ગોધરા શહેરમાં પહેલગામ આતંકી હુમલાનો વિરોધ જારી છે. શહેરના વિવિધ વિસ્તારોમાં લોકોએ પાકિસ્તાન દેશના રાષ્ટ્રધ્વજ નીચે ‘પાકિસ્તાન મુર્દાબાદ’ના સ્લોગન લખી વિરોધ નોંધાવ્યો છે.
22 એપ્રિલે જમ્મુ-કાશ્મીરના પહેલગામમાં આતંકવાદીઓએ સહેલાણીઓ પર હુમલો કર્યો હતો. આતંકવાદીઓએ લોકોના નામ અને ધર્મ પૂછીને ફાયરિંગ કર્યું હતું. આ હુમલામાં વિવિધ રાજ્યોમાંથી આવેલા 28 જેટલા નિર્દોષ સહેલાણીઓએ જીવ ગુમાવ્યા હતા.
આ ઘટનાને દેશ અને વિશ્વભરમાં તમામ ધર્મના લોકોએ વખોડી કાઢી છે. આતંકવાદી હુમલાની ઘટનાનો વિરોધ ગોધરામાં હજુ પણ ચાલુ છે. શહેરના જાહેર માર્ગો પર લોકોએ પાકિસ્તાન વિરોધી ચિત્રો દોર્યા છે.